DSE 英文卷四 Speaking 開始前有 10 分鐘準備時間,各位同學習慣點樣運用呢?

唔少考生習慣準備時間一開始就「開 turbo」咁寫低自己嘅發言內容,但其實小心審題先至最緊要!因為審錯題的話,發言會好容易離題;而小組討論開始後先「驚覺」自己理解錯誤而再研究題目實在太遲,亦唔恰當。

建議大家花起碼 1 分半至兩分鐘認真閱讀題目所有資料,先開始寫底自己觀點。

睇睇分別有邊 3 個審題步驟喇:

 

1. 身份

第一步要認清自己嘅「身份」。冇錯,你係小組討論考試時某程度上係進行緊「角色扮演」,因為多數題目都有清晰列明你討論時嘅身份。例如話:”You are part of a focus group for…” 或 “Your group is doing…”。

留意埋緊接提及嘅討論目的,就自然清楚知道自己應該討論啲乜嘢喇。
例如 “discuss your opinions with your group” 及 “discuss which of the following would be most suitable…”。

 

 

2. 範圍

第二步要先睇所要求嘅討論範圍:”You may want to talk about” 嘅部份。

呢一部分通常有 4 點,其中 3 點已有特定內容。

例如話”your opinion about…”(你對⋯的意見),”why some people like…”(為何一些人喜歡⋯)或 “suggestions to improve…”(改善⋯的建議)。
而最尾嘅一點就係”anything else that you think is important”(任何其他你認為是重要的事情)。

要緊記,你嘅發言應該基於上一步所示嘅身份目的;而圍繞呢 3 個特定內容。如果有足夠時間,你亦不妨提出自己構思嘅第 4 點以作討論。

 

3. 內

知道自己係「邊個」;亦知道將要討論嘅範圍,睇所提供嘅資料時就可以將內容與討論範圍逐一配對!

 

完成以上審題 3 部曲,你應該已經掌握到題目嘅所有內容及要求;跟住落嚟你只要簡單以 point form(大綱)或 mind map(腦圖)形式寫低自己嘅觀點,再諗定一啲例子作例證就可以㗎喇!