IELTS 閱讀部分頗具挑戰性,不少考生被某些考題難倒而浪費了時間,影響整體表現。況且連續閱讀數篇文章無疑是很費勁,如此密集的工作更可能影響判斷力,使考生失去了做卷的方向。要避免這些情況,考生要把握這4個題型套路和應試技巧。

1. 先睇題目,再答問題

文章內好有可能有不相關嘅資料,所以先略讀題目 (skim and scan),你就可以預先知道文章中需要格外留神嘅重點,在短時間內掌握段落大意。

2. 圈起文章重點

閱讀文章時,一定要揸起支筆,嘗試養成做標記的習慣,大大減少重覆翻看文章的次數。
開始閱讀時先睇文章標題,再睇睇圖片(如有),預計一吓文章嘅主題。
例如,如果標題所示嘅主題為汽車,閱讀文章時就要特別留意同圈起與汽車有關嘅關鍵詞 (keyword),咁樣你之後答問題時就可以更快搵到答案,事半功倍!
你亦應該特別留意:
- Title 標題
- Subtitle 副標題
- Topic sentence 主題句
最重要 skim and scan 嘅目標係搵出:
- Key themes 關鍵主題
- General ideas 文章大意

3. 留意人名和年份

IELTS 其中一種常見題型係配對 (matching),所以係睇文章時事先圈起人名係非常重要!
答呢類題目時睇睇圍繞人名嘅上文下理,咁就好容易搵到相應嘅觀點!
如果有題目問及與年份有關嘅資料,咁你之前係文章圈起咗嘅年份就非常有用!
同樣,睇返圍繞年份嘅上文下理,就好容易搵到答案。

4. 逆向解題

True/ False/ Not Given係 IELTS 常見題型之一,呢類判斷題是令不少考生頭痛的部分。很多時考生很難分辨「錯誤」的陳述句和「未有提及」的陳述句的差別而失分。
其實只要「逆向」咁解題,答啱嘅機會會大大提高!
貼士:如果題目入面包含 “must”,”always” 呢種語氣太肯定嘅字眼,答案多數都會係 False。

 

交卷前切記重覆檢查答案,以防因文法錯誤而失分。