大部份報考IELTS雅思考試嘅都只係有兩個原因,想去外國讀書,或者移民去外國。基於原因有異,所以IELTS考試細分成兩種,一個係學術(Academic),而另一個係通用模式(General)。可能部份同學家境優渥,又或者係無心裝載,有同學曾經報錯IELTS考試,報錯事少,錯失報大學嘅Deadline事大!所以一定要知清楚你究竟係報梗學術(Academic)定係通用模式(General)!
想知道你需要嘅係學術(Academic)定係通用模式(General)?咁就繼續聽我講解啦!

 

想要移民去外地,就要報通用模式(General)。純粹為左去外地升學,咁就要報學術(Academic)。唔確定要報邊個考試嘅話,最好向IELTS考試機構問清楚先好俾錢啊。無論General定Academic,考試費用都要港幣二千幾蚊。
想去英國讀書或移民嘅同學,你地要報考嘅IELTS叫UKVI。以考試內容黎講,UKVI同IELTS Academic或IELTS General係無分別,唯一唔同就係UKVI嘅考試費更貴。同埋,考UKVI嘅時候,考試當局會擺好多攝錄鏡頭,黎監考學生考試情況。

好啦,大家都掌握好到底IELTS當中細分左幾多個考試啦。咁我地開始再深入分享多啲!

香港有兩個官方IELTS考試機構,IDP同埋British Council。同學報左IELTS之後,佢地會以電郵方式通知你。考試場地通常都係酒店,所有考生會一齊係大房考Listening、Reading同Writing,而Speaking就會同日下午或者緊接著嘅第二日考。

 

考試前有咩要準備好呢?

第一,要肯定你自己係準備得夠。唔好再晒時間喺YouTube睇YouTuber講點準備IELTS喇。除非你係睇緊Wall Street English 嘅野啦(笑)。
第二,考試嘅前一晚,早啲休息瞓覺。IELTS考試係早上9點鐘就開始。
第三,除左Speaking之外,個考試會用大約3個鐘。所以你一定要食飽飽先好去考試喲。
第四︰考試之前,無論如何都要去左廁所先。最差嘅事就係喺你要用腦諗野嘅時候無辦法集中精神。

預祝同學IELTS坐7望8啦!